ყველაფერი ბოლო ტურში გაირკვევა!

დღეს ეროვნული ლიგის 35-ე ტურის ცენტრალური შეხვედრა გაიმართა თბილისში, “დავით პეტრიაშვილის სახელობის სტადიონზე”, სადაც თბილისური გუნდები, “საბურთალო” და “დინამო” ერთმანეთს დაუპირისპირდნენ.

შეხვედრა საკმაოდ დაძაბული და საინტერეო გამოდგა, მატჩი გარდამავალი უპირატესობით მიმდინარეობდა, მაგრამ განსაკუთრებით მონდომებულები “დინამოს” ფეხბურთელები იყვნენ, რადგან მოგების შემთხვევაში მათ შანსი ჰქონდათ, ერთი ტურით ადრე გაენაღდებიათ ეროვნული ლიგის ჩემპიონობა, თუმცა მათ “საბურთალომ” ტოლი არაფერში დაუდო და საბოლოოდ შეხვედრა ფრედ 0-0 დასრულდა. აქედან გამომდინარე ყველაფერი ბოლო ტურში “დინამოსა” და “ტორპედოს” შორის გასამართ შეხვედრაში გაირკვევა. თავის მხრივ კი “საბურთალომ” მეოთხე ადგილი გაინაღდა და “დავით ყიფიანის სახელობის თასის” ფინალს დაელოდება, სადაც ქუთაისელთა წარმატების შემთხვევაში ევროპა ლიგის საკვალიფიკაციო ეტაპის საგზურს მოიპოვებს.

სასტარტო შემადგენლობები:

“საბურთალო”: 17. ლაზარე კუპატაძე, 4. გაგი მარგველაშვილი, 5. ცოტნე ნადარაია, 6. თედორე გრიგალაშვილი, 9. ლაშა შინდაგორიძე, 10. გიორგი ხარაიშვილი (C), 13. გრიგო ჩაბრაძე, 20. ელვინ ტერა, 24. თორნიკე თარხნიშვილი, 90. დავით ვოლკოვი, 93. ნდუე მუეცი.

“დინამო”: 1. სერგი ლიტოვჩენკო, 3. ლაშა თოთაძე, 5. ლევან გეგეჭკორი, 8. ოთარ კიტეიშვილი (C), 9. ბექა მიქელთაძე, 11. აკაკი შულაია, 15. ლაშა ქოჩლაძე, 20. ლაშა სალუქვაძე, 24. დავით კობოური, 27. გიორგი კუცია, 31. ბექა ქავთარაძე.