ყველაზე ძვირადღირებული 21-წლამდე ფეხბურთელები
ლონდონის “ტოტენჰემის” ინგლისელი ვარსკვლავი, დელე ალი Soccerex-ის მიერ ყველაზე ძვირადღირებულ 21-წლამდე ფეხბურთელად იქნა დასახელებული – უცხოური კომპანია მას 73.6 მილიონ ფუნტად აფასებს (82.6 მილიონი ევრო).
აღსანიშნავია, რომ გასულ სეზონში, “მონაკოს” მაისურით გატანილი 26 გოლისა და ჩემპიონთა ლიგის ნახევარფინალში თამაშის მიუხედავად, 18 წლის კილიან მბაპეს დელე ალი 20.9 მილიონი ევროთი უსწრებს. სინამდვილეში კი “მონაკო” მის ტრანსფერში 135 მილიონ ევროსაც არ სჯერდება.
სიაში მესამე ადგილს “ბორუსიას” ახალგაზრდა ვარსკვლავი, უსმან დემბელე იკავებს (60.9 მილიონი ევრო), რომელსაც “სიტის” ლეროი სანე მოყვება (51.1 მილიონი ევრო).
აღსანიშნავია ისიც, რომ ათეულში “რეალის” ესპანელი შემტევი, მარკო ასენსიოც მოხვდა (42.6 მლნ. ევრო) მარკუს რეშფორდთან (40.6), ჯანლუიჯი დონარუმასთან (40.5), ტიმო ვერნერთან (35.6) და კინგსლი კომანთან ერთად (35 მლნ.).
ცნობისთვის გეტყვით, რომ ამ სიის შედგენისას წყარომ ფეხბურთელის ასაკი, პოზიცია, ამჟამინდელი კლუბი, ნაკრებში თამაშის გამოცდილება, მოედანზე გატარებული წუთები, კონტრაქტის ხანგრძლივობა, ტრავმების სიხშირე და სხვა მაჩვენებლები გაითვალისწინა.
