ქრის კოლმენი: “ნუ შეგეშინდებათ ოცნების”
უელსის ნაკრების მთავარმა მწვრთნელმა ევრო 2016-ის მეოთხედფინალში ბელგიის დამარცხების (3-1) შემდეგ პრესასთან კომენტარი გააკეთა.
“როდესაც გუნდში ისეთი ფეხბურთელები გყავს, როგორებიც არიან აარონ რემზი, გარეთ ბეილი და ჯო ალენი, ვალდებული ხარ რომ კარგი ფეხბურთი ითამაშო. შენი გუნდისგან საუკეთესო უნდა მიიღო.
გვინდოდა გამოვსულიყავით და გვეჩვენებინა ხალხისთვის, რომ შეგვიძლია ძალიან შემტევი გუნდი ვიყოთ და ეს გავაკეთეთ.
ძალიან კმაყოფილი ვარ სემ უოკსის თამაშით. ის რეგულარულად ვერ ხვდება სასტარტოში, მაგრამ ყოველთვის ცდილობს, რომ მაქსიმუმი გაიღოს. რაც შეეხება ეშლის, მას ბევრი გოლი ვეღარ გააქვს, თუმცა მაინც დიდებული ლიდერია. ჰალ რობსონ-კანუ? ვაუ, ვერაფერს იტყვი.
ნუ შეგეშინდებათ ოცნების. 4 წლის წინ ამ ყველაფრისგან ძალიან შორს ვიყავი. უფრო მეტი ჩავარდნა მქონდა, ვიდრე წარმატება. მაგრამ ჩავარდნების არ მეშინია. ჩვენ ეს დავიმსახურეთ.”
