ქვილითაიას ღირსეული ნაბიჯი – პირველად ქართულ ფეხბურთში!

თარიღი: იანვარი 27, 2021

საფეხბურთო აკადემია “უქიმერიონი თბილისი” პირველი საფეხბურთო აკადემია გახდა საქართველოში, სადაც ყველა ბავშვი გადასახადისგან გათავისუფლდა და კლუბი ფუნქციონირებას შემოწირულობების ხარჯზე აგრძელებს.

გარდა ამისა, “უქიმერიონისთვის” გაღებული თანხა ნებისმიერ მსურველს კლუბის აქციონერად აქცევს და მომავალში, შესაძლოა, ეს საკმაოდ მომგებიან ინვესტიციად იქცეს.

“უქიმერიონს” აქციონერები უკვე იტალიაში, ესპანეთში, ეგვიპტეში და ჩილეში გამოუჩდნენ და რა თქმა უნდა, საქართველოშიც. მათ შორის, გიორგი ქვილითაიაც იქნება, რომელმაც გუნდს მუდმივი მხარდაჭერა გამოუცხადა.

“საქართველოს ეროვნული ნაკრების და კვიპროსული ანორთოსისის თავდამსხმელი გიორგი ქვილითაია – ჩვენი ოჯახის ახალი წევრია.

მან სიხარულით და დიდი ინტერესით მიიღო ჩვენი ახალი წამოწყება და პირველია ფეხბურთელთაგან ვინც მუდმივი მხარაჭერა გამოგვიცხადა.

ვფიქრობ, გიორგის საქციელი ძალიან სამაგალითო და დასაფასებელია. ძალიან საამაყოა ჩვენთვის რომ ჩვენს ეროვნულ ნაკრებს ასეთი ღირსეული ადამიანი იცავს.

სხვათაშორის, როცა ის საქართველოში ჩამოვა ჩვენს ფეხბურთელებსაც შეხვდება და პირადად გაიცნობს.

დიდი მადლობა გიორგის გვერდში დგომისთვის. მთელი აკადემიის სახელით მას დიდ წარმატებებს ვუსურვებთ როგორც კარიერულ ისე პირად ცხოვრებაში“, – წერია უქიმერიონის მიერ გამოქვეყნებულ განცხადებაში.

სახალხო აკადემიის დახმარება ამ ანგარიშზე ჩარიცხვით შეგიძლიათ: უქიმერიონის ფონდი GE04TB7151145063300006 (თიბისი ბანკი, მიმღები სოსო ხაჩიძე)

მოგესალმებით ყველას.

როგორც უკვე ცნობილია, ჩვენი საფეხბურთო აკადემია, პირველად საქართველოს ისტორიაში გახდა – სახალხო…

Posted by ს.კ უქიმერიონი თბილისი / FC Uqimerioni Tbilisi on ხუთშაბათი, 21 იანვარი, 2021

ზურაბ თოიძე

მსგავსი სიახლეები

ქვილითაიას ღირსეული ნაბიჯი – პირველად ქართულ ფეხბურთში!

“ჩელსი” და ობამეიანგი პირად კონტრაქტზე შეთანხმდნენ

“ბარსელონა” და ბერნარდუ სილვა შეთანხმდნენ

კეილორ ნავასი ხვიჩას თანაგუნდელი ხდება

კავანი “დორტმუნდში” მიდის

“რეალის” თავდამსხმელი “ხეტაფეში” გადავიდა

თორნიკე ოქრიაშვილმა კორეულ კლუბში სამედიცინო შემოწმება ვერ გაიარა