რა დევს იურგენ კლოპის თაროზე?
ყველა თანხმდება, რომ იურგენ კლოპი განსაკუთრებული ხასიათის მქონე ადამიანია. მისი ღიმილი მომხიბლველია, ხარხარი კი გრანდიოზული, მის პრესკონფერენციაზე კი არასდროს მოიწყენ.
როგორც იცით, ის მიმდინარე სეზონში შეუერთდა “ლივერპულს”. კლოპმა ინგლისში მისთვის ყველაზე ძვირფასი ნივთები წამოიღო და განათავსა თაროზე, რომელიც მის ოფისში მდებარეობს.
კლოპის თაროზე შევხვდებით: ღვინისა და ლუდის ბოთლებს, ინგლისური ენის ლექსიკონს, ნათანიელ კლაინის მიერ ნაჩუქარ სამახსოვრო საჩუქარს და ორ კეპს, რომელზეც დანიელ სტარიჯია გამოსახული.
ასევე აღნიშვნის ღირსია სამი წიგნი, რომელსაც კლოპი დიდ მნიშვნელობას ანიჭებს : “ზამთრის ტრანსფერი”, “რისკი: როგორ უნდა მივიღოთ სწორი გადაწყვეტილება” და “ფიქრი, სწრაფად და ნელა”. აღნიშნული წიგნები გერმანულ ენაზეა დაწერილი. გარდა ამისა კლოპმა ადგილი კიდევ ერთ წიგნს დაუთმო – “ჩემს სისხლში: მე დავიბადე, რათა მხარი დავუჭირო “ლივერპულს”.
