რა კომენტარი გააკეთა ნიკა გვარამიამ ლაშა ტალახაძის მსოფლიო რეკორდის შემდეგ?

“რუსთავი 2”-ის გენერალურმა დირექტორმა, ნიკა გვარამიამ, რომელმაც 1 თვის წინ ლაშა ტალახაძეს სალომე ზურაბიშვილის საარჩევნო კლიპში მონაწილეობის გამო არარაობა უწოდა, დღევანდელი მსოფლიო რეკორდის შემდეგ კომენტარი გააკეთა.

“მაინც მიხარია ამ ლაშა ტალახაძის ჩემპიონობა და რეკორდები :((( არა და ისეთი რამე ქნა (სამშობლოს მოღალატის სარეკლამო კლიპში მიიღო მონაწილეობა), შვილი შემძულდებოდა, იგივე რომ ექნა :((( ”

ტალახაძემ თურქმენეთში მიმდინარე ძალოსანთა მსოფლიო ჩემპიონატზე ატაცში ოქროს მედალი მოიპოვა და 2 რეკორდიც დაამყარა. პირველ მისვლაზე 207 კგ. დაძლია, მეორე მისვლაზე აწეული 212 კილოგრამით მსოფლიო რეკორდი დაამყარა, ხოლო ორიოდ წუთში საკუთარი რეკორდი 5 კილოგრამით გააუმჯობესა და 217 კილოგრამი აიტაცა.