რა კომენტარი გააკეთა ვან დეიკმა ქალი მსაჯების უეფას სუპერთასი მატჩში დანიშვნაზე

14 აგვისტოს, უეფას სუპერთასის მატჩს, რომელშიც ერთმანეთს ლონდონის “ჩელსი” და “ლივერპული” დაუპირისპირდებიან, ქალ მსაჯთა ბრიგადა მოემსახურება. მთავარი არბიტრი ფრანგი სტეფანი პრაფარი იქნება.

ამ საკითხთან დაკავშირებით, 13 აგვისტოს, მატჩისწინა პრესკონფერენციებზე კომენტარი “ლივერპულის” მცველმა ვირგილ ვან დეიკმა და “ჩელსის” მწვრთნელმა ფრენკ ლამპარდმა გააკეთეს.

“ჩემი აზრით, სქესს მნიშვნელობა არ აქვს. ის ასეთი დონის მატჩის მთავარ არბიტრად იმიტომ დაინიშნა, რომ ამას იმსახურებდა”, – განაცხადა ვან დეიკმა.

ლამპარდი ისტორიულ ფაქტს ასე გამოეხმაურა: “ძალიან სასიამოვნოა, რომ ამ ფაქტის მომსწრენი ვართ. ეს ისტროიული მომენტი და მორიგი სწორად გადადგმული ნაბიჯია.”