რა მოხდა ბოლოს, როცა საქართველოს ნაკრები ბელგიას სტუმრად დაუპირისპირდა (ვიდეო)

11 თებერვალს, საქართველოს მორაგბეთა ეროვნული ნაკრები წლის პირველ მატჩს გამართავს. “ბორჯღალოსნები” “რაგბი ევროპის ჩემპიონატის” სტარტზე – შაბათს, 11 თებერვალს, საქართველოს დროით 18 საათზე ბელგიას დაუპირისპირდებიან.

აქამდე, საქართველოსა და ბელგიის ნაკრებები ერთმანეთს ორჯერ დაუპირისპირდნენ. პირველი შეხვედრა 2013 წლის 2 თებერვალს ბელგიაში გაიმართა და ის “ბორჯღალოსნების” გამარჯვებით, 17:13 დასრულდა. მაშინ, მატჩის მიმდინარეობისას გუნდებს შორის ჩხუბიც მოხდა.

რაც შეეხება მეორე დაპირისპირებას, ჰეიგის გუნდმა ბელგიელები ავჭალის სტადიონზე, 35:0 დაამარცხეს.