რა თანხა მიიღეს კლუბებმა ესპანეთის სუპერთასში მონაწილეობისთვის?

ესპანური გამოცემა As საკმაოდ საინტერესო ინფორმაციას ავრცელებს იმის შესახებ, თუ რა თანხა გამოიმუშავეს ესპანურმა კლუბებმა ესპანეთის სუპერთასში მონაწილეობისთვის.

შეგახსენებთ, რომ 2020 წელს ესპანეთის სუპერთასი განახლებული ფორმატით ჩატარდა – საუდის არაბეთში გაამრთულ გათამაშებაში ოთხმა კლუბმა (“რეალი”, “ვალენსია”, “ბარსელონა”, “ატლეტიკო”) მიიღო მონაწილეობა. ჩემპიონი კი “რეალი” გახდა.

როგორც ცნობილი ხდება, “ბლანკოსმა”, როგორც ჩემპიონმა, 12 მილიონი ევრო მიიღო. თითო ფეხბურთელმა კი 150 000 ევრო ბონუსის სახით.

“ბარსელონამ” 6 მილიონი ევრო გამოიმუშავა, მადრიდის “ატლეტიკომ 4 მილიონი, ხოლოდ “ვალენსიამ” – 1.7. აღსანიშნავია, რომ “ღამურები” თვლიან, რომ თანხა არასამართლიანად გადანაწილდა და მზად არიან, რომ ფედერაციას უჩივლონ.