რა თანხას დაკარგავენ პრემიერ ლიგის კლუბები კორონავირუსის გამო?

ინგლისის პრემიერ ლიგაში მონაწილე კლუბების ხელმძღვანელები ცდილობენ ფეხბურთელები ხელფასის 30 პროენტით შემცირებაზე დაიყოლიონ. ამ ინფორმაციას The Telegraph ადასტურებს.

როგორც იცით, ინგლისის პრემიერ ლიგის კლუბები მსოფლიოში ყველაზე მეტ შემოსავალს იღებენ. ბრიტანული წყაროს ცნობით კორონავირუსის კრიზისის გამო ოცმა კლუბმა, შესაძლოა, საერთო ჯამში 1, 137 მილიარდი ფუნტი დაკარგოს.

კლუბებმა ფეხბურთელებს სპეციალური პრეზენტაცია ჩაუტარეს, სადაც განუმარტეს, თუ როგორ იმოქმედებს ფინანსური კრიზისი მათზე. მხოლოდ ტრანსლაციების გამო, პრემიერ ლიგის კლუბები 762 მილიონ ფუნტს დაკარგავენ (თუ სეზონი არ გაგრძელდება).

უშუალოდ მატჩის დღეების გაუქმების გამო კი საერთო ჯამში 200 მილიონი ფუნტი დაიკარგება, რასაც ემატება სასპონსორო ხელშეკრულების შეუსრულებლობა – რაც 175 მილიონი დაჯდება.