რა უთხრა იოზილმა 1:7 მარცხის შემდეგ ატირებულ დავიდ ლუისს

ლონდონის “არსენალის” გერმანელმა ნახევარმცველმა მესუთ იოზილმა 2014 წლის მსოფლიოს ჩემპიონატი და ტურნირის ნახევარფინალური ეტაპი გაიხსენა, როდესაც გერმანიის ნაკრებმა მასპინძელი ბრაზილია ანგარიშით 7:1 გაანადგურა.

“მატჩის მიმდინარეობისას ყველანი გაოცებულნი ვიყავით. მხოლოდ 20 წუთი იყო გასული და ჩვენ უკვე ანგარიშით 4:0 ვიგებდით. საკუთარ თავს ვკითხე: “ეს რა ხდება?”

რა ვუთხარი დავიდ ლუისს მატჩის შემდეგ? ბრაზილიის ნაკრები ატირებული ქომაგების წინაშე ასე დამარცხდა. საკუთარი თავი მათ ადგილას წარმოვიდგინე. ძალიან რთულია ასეთ მდგომარეობაში ყოფნა. ლუისთან მივედი და ვუთხარი, რომ ბრაზილია დიდებული ქვეყანაა, რომელსაც საოცარი გულშემატკივრები ჰყავს.

2014 წლის მსოფლიოს ჩემპიონატის მოგება ჩემს კარიერაში ყველაზე მნიშვნელოვანი და დასამახსოვრებელი მომენტია”, – იოზილის კომენტარი “ასმა” გამოაქვეყნა.