რაბიოს წარმომადგენლები “სიტის” ხელმძღვანელებს შეხვდებიან

“პარი სენ-ჟერმენის” ნახევარმცველი ადრიან რაბიო ზამთრის სატრანსფერო პერიოდში შესაძლოა, ნისლიან ალბიონზე გადაბარგდეს. ფრანგი ფეხბურთელის დამატებას “მანჩესტერ სიტი” შეეცდება, რომელსაც კონკურენციის გაწევა “ბარსელონასთან” მოუწევს. ფრანგული მედიის თანახმად, რაბიოს წარმომადგენლები უკვე შეთანხმდნენ “ქალაქელთა” ხელმძღვანელებთან შეხვედრაზე, სადაც შესაძლო ტრანსფერის დეტალებს განიხილავენ.

შეგახსენებთ, რომ “პარი სენ-ჟერმენსა” და ადრიან რაბიოს შორის გაფორმებულ შრომით ხელშეკრულებას ვადა 2019 წლის ზაფხულში გასდის. ცნობილია, რომ ფრანგ ფეხბურთელს კლუბის გამოცვლა სურს. 23 წლის ნახევარმცველით ინტერესს უკვე დიდი ხანია იჩენს “ბარსელონა”.