რაჰიმ სტერლინგი, შესაძლოა, მადრიდის “რეალში” აღმოჩნდეს
გავლენიანი უცხოური გამოცემების მიერ მოპოვებული უახლესი ცნობების თანახმად, მადრიდის “რეალის” ხელმძღვანელები “მანჩესტერ სიტის” ბრიტანელი ვარსკვლავის, რაჰიმ სტერლინგის გარშემო შექმნილ ვითარებას დეტალურად აკვირდებიან.
როგორც იცით, მადრიდულ გრანდს ბოლო დროს გოლის გატანა უჭირს და სწორედ ამიტომაც, ისეთ ფეხბურთელებს ეძებს, რომლებიც უგოლობის პობლემას მარტივად მოაგვარებენ. ფლორენტინო პერესის სიაში კი ერთ-ერთი წამყვანი ადგილი 23 წლის სტერლინგს უკავია.
გეტყვით იმასაც, რომ სტერლინგსა და მანჩესტერულ გრანდს შორის არსებულ კონტრაქტს ვადა 2020 წლის ზაფხულში ეწურება, მხარეები ჯერჯერობით ახალ კონტრაქტზე ვერ თანხმდებიან.
“საზღვარგარეთ თამაში საინტერესო უნდა იყოს, დიდ გამოცდილებას მივიღებ. ესპანეთი დიდებული ქვეყანაა. ყველაფერთან ერთად, ამინდიც ძალიან კარგია,” – აცხადებდა სტერლინგი 2017 წლის დეკემბერში.
