რაიოლას სურს, რომ „მილანმა“ და „ინტერმა“ ერთი კლუბი ჩამოაყალიბონ

ცნობილი საფეხბურთო აგენტის მინო რიაოლას თქმით, ევროპის ყველაზე მდიდარ კლუბებთან კონკურენციისთვის ორი მილანურ კლუბი უნდა გაერთთანდეს.

„მილანსა“ და „ინტერს“ გაერთიანება სჭირდებთა. ერთ დროს ეს ორი კლუბი მსოფლიოში ყველაზე მდიდარი იყო, თუმცა ისინი იმ კლუბებად ვერ ჩამოყალიბდნენ, რომელთაც ბერლუსკონისა და მორატის გარეშე არსებობა შეუძლიათ.

დღეს ლონდონი მსოფლიოს ერთადერთი ქალაქია, სადაც რამდენიმე ტოპ კლუბი თამაშობს. „მილანს“ მხოლოდ მაშინ ეშველება, თუ მის სათავეში რომელიმე ჩინელი ინვესტორი მოვა.

თუ „როსონერი“ და „ნერაძური“ გაერთიანდებიან, მათ დიდი რევოლუცია გამოუვათ. ორი 160-მილიონიანი გუნდის ნაცვლად 320-მილიონიანი კლუბი იარსებებს. შედეგად, წარმატებული ბრენდი შეიქმნება, რომელიც ზრდას გააგრძელებს“, – განაცხადა რაიოლამ.