რაჯა ნაინგოლანი “მანჩესტერ იუნაიტედში”?

თარიღი: მაისი 18, 2017

Sky Sports-ის მიერ გავრცელებული უახლესი ინფორმაციის მიხედვით, “მანჩესტერ იუნაიტედის” ხელმძღვანელები ზაფხულში “რომას” 29 წლის ნახევარმცველის, რაჯა ნაინგოლანის ტრანსფერის განხორციელებას გეგმავენ.

შეგახსენებთ, რომ გასულ სეზონში “რომას” ბელგიელი ფეხბურთელის გადაბირებას ლონდონის “ჩელსიც” ცდილობდა – “დიახ,ანტონიო კონტეს მართლა სურდა ჩემი გადაბირება, ამ ეტაპზე მხოლოდ ამის თქმა შემიძლია.

პრემიერ ლიგას ძალიან ხშირად ვუყურებ, ბევრი ჩემი თანაგუნდელი თამაშობს იქ. ჩემი გადმოსახედიდან, ეს მსოფლიოს საუკეთესო ჩემპიონატია.

ცხოვრებაში ბევრჯერ გვიწევს არჩევანის მიღება, როდესაც სატრანსფერო ფანჯარა გაიხსნება, ჩემს მომავალზე ისევ დავფიქრდები, ” – აცხადებს რაჯა ნაინგოლანი.

მსგავსი სიახლეები