რაკიტიჩი: “რონალდუ “იუვენტუსში” მეპატიჟებოდა”

“სევილიას” ხორვატმა ნახევარმცველმა, ივან რაკიტიჩმა, პრესასთან საუბრისას აღნიშნა, რომ კრიშტიანუ რონალდუმ 2019 წელს “იუვენტუსში” მიიწვია.

“2019 წლის ზაფხულის საღამოს კრიშტიანუ რონალდუ პირადად დამიკავშირდა და კარიერის “იუვენტუსში” გაგრძელება მირჩია. ის პირადად მეპატიჟებოდა.

რონალდუმ საუბრისას მითხრა, რომ კლუბი დაინტერესებული იყო ჩემი ტრანსფერით, თუმცა ყველაფერი ისე ვერ წავიდა, როგორც დაგეგმილი იყო. “ბარსელონა” ჩემ სანაცვლოდ 50 მილიონს ითხოვდა, რაც ძალიან ბევრი აღმოჩნდა,” – აცხადებს რაკიტიჩი.

შეგახსენებთ, რომ ივან რაკიტიჩი 2020 წლის სექტემბრის თვეში “სევილიას” სულ რაღაც 1.5 მილიონი ევროს სანაცვლოდ შეუერთდა.