რამდენ თავდამსხმელს გაუშვებს იურგენ კლოპი?
“ლივერპულის” მთავარმა მწვრთნელმა, იურგენ კლოპმა ყველასათვის ნათელი გახადა ის ფაქტი, რომ არ აპირებს ისეთი ფეხბურთელების იაფად გაყიდვას, როგორებიც არიან მარიო ბალოტელი და კრისტიან ბენტეკე.
შეგახსენებთ, რომ “ვესტ ბრომვიჩი” და “კრისტალ პალასი” კლოპს 25 მილიონ ფუნტს სთავაზობენ ბელგიელი თავდამსხმელის სანაცვლოდ, რომელშიც “წითლებმა” თავის დროზე 32 მილიონი ფუნტი გადაიხადეს.
“თამამად შემიძლია ვთქვა, რომ ისინი კარგი ფეხბურთელები არიან: კრისტიან ბენტეკე, მარიო ბალოტელი და ყველა დანარჩენი თავდამსხმელი. ისინი შანსებს ხელიდან აღარ გაუშვებენ.
შეიძლება, ექვსი ფორვარდის ყოლა ზედმეტად კომფორტულიც კი იყოს, მაგრამ ეს მაინც შესაძლებელია. თუ ვინმე ფიქრობს, რომ ისინი საჩუქრებს მიიღებენ მხოლოდ იმიტომ, რომ ერთზე მეტი თავდამსხმელი გვყავს, ძალიან ცდება. ჩვენ ამას არ გავაკეთებთ.
ისინი საუკეთესო ფორმაში უნდა შევიყვანოთ. 31 აგვისტომდე, შეიძლება აზრი შევიცვალო. ეს ნებისმიერ წამს შეიძლება მოხდეს. ასე რომ, ჩვენ დავიცდით.
