რამდენს იღებს რობერტო ფირმინო “ლივერპულის” მაისურით გატანილ თითოეულ გოლში?

Football Leaks-მა, რომელიც დროდადრო ცნობილი ფეხბურთელების კონტრაქტების უცნობ დეტალებს აქვეყნებს, ამჯერად, საზოგადოებას ინფორმაცია “ლივერპულის” თავდამსხმელის, რობერტო ფირმინოს ბონუსებზე მიაწოდა.

თუ ბრაზილიელი შემტევი ერთ სეზონში, ინგლისის პრემიერ ლიგაში, ჩემპიონთა ლიგასა ან ევროპის ლიგაზე “ლივერპულის” მაისურით 1, 2, 3, 4 ან 5 გოლს გაიტანს, ის თითოეულში 25 000 ფუნტ სტერლინგს მიიღებს. 6, 7, 8, 9 ან 10 გოლის გატანის შემთხვევაში, მას თითოეულში 45 000 ფუნტი გადაეცემა.

მე-11 გოლიდან მე-15 გოლის ჩათვლით, მას თითოეულში 65 000 ფუნტს გადაუხდიან, ხოლო მე-16 გოლიდან ყოველ მომდევნო გოლზე 85 000 ფუნტ სტერლინგს მიიღებს.

ფირმინომ მიმდინარე სეზონში პრემიერ ლიგაში მეტოქეთა კარი ექვსჯერ დალაშქრა. შესაბამისად, მისი გოლებით მიღებული შემოსავალი უკვე 170 000 ფუნტ სტერლინგს უდრის.