რამოსი: “არ ვიცი, რამდენად სამართლიანი იყო შედეგი”

დღეს ესპანეთის პრიმერა დივიზიონის მე-14 ტურის შეხვედრები გაიმართა. ცენტრალური შეხვედრა “კამპ ნოუზე” შედგა, სადაც “ბარსელონამ” და “რეალმა” თითო-თითო გოლი გაცვალა.

სუარესის გოლის შემდეგ, სერხიო რამოსმა 90-ე წუთზე შეძლო ანგარიშის გათანაბრება და მადრიდელებს ქულა მოუპოვა. მან შეხვედრის შემდეგ ჟურნალისტებთან ისაუბრა.

“არ ვიცი, რამდენად სამართლიანი იყო შედეგი. მაგრამ მოდრიჩმა შესანიშნავი პასი გამიკეთა და მეც გატანა აღარ გამჭირვებია.”

“მნიშვნელოვანია, რომ ქულა მოვიპოვეთ. ძალიან ბევრი ვიმუშავეთ, რომ შედეგი მიგვეღო.”

“ძალიან დაძაბული მატჩი გამოვიდა. ორივე გუნდს სურდა, რომ თამაშის სადავეები ხელთ ეგდო. თავიდან ჩვენ უფრო მეტი მომენტი შევქმენით, თუმცა ვერ გამოვიყენეთ.”

“ეს შედეგი იმ შრომის დამსახურებაა, რაც სეზონის დასაწყისიდან გავწიეთ,” – განაცხადა კაპიტანმა.