რამოსი მერვე ფეხბურთელია, რომელმაც ლა ლიგაში 300 მოგება დააგროვა

მადრიდის “რეალმა” გუნდის თავკაცად ზინედინ ზიდანის დაბრუნების შემდეგ პირველი შეხვედრა ვიგოს “სელტას” წინააღმდეგ გამართა. ლა ლიგის 28-ე ტურის მატჩში “ბლანკოსმა” ორბურთიანი სხვაობით იმარჯვა (2-0).

აღსანიშნავია, რომ ეს რიგით მესამასე მოგება გახლდათ ლა ლიგაში მადრიდელთა კაპიტნის, სერხიო რამოსისათვის. აქამდე კი მსგავს ნიშნულს მხოლოდ შვიდმა ფეხბურთელმა გადააბიჯა.

რამოსს “სევილიას” მაისურით ესპანეთის ჩემპიონატში ჩატარებულ 39 მატჩში 19 მოგება უგროვდება. “რეალის” რიგებში კი 419 შეხვედრიდან 281 მის სასარგებლოდ დასრულდა.

აქვე გთავაზობთ იმ შვიდი ფეხბურთელის სიას, რომელმაც ამ ნიშნულს რამოსამდე მიაღწია: მანუელ სანჩისი და ანდრეს ინიესტა (312), ჩავი (322), რაული (327), ლიონელ მესი (332), ანდონი სუბისარეტა (333) და იკერ კასილასი (334).