რამოსს რობერტო კარლოსის რეკორდამდე ერთი გოლი აშორებს
მადრიდის “რეალმა” ჩემპიონთა ლიგის მერვედფინალური ეტაპის განმეორებით მატჩში “ატალანტა” საშინაო არენაზე ანგარიშით 3:1 დაამარცხა და მომდევნო ეტაპის საგზურიც მოიპოვა.
ზემოხსენებულ მატჩში ანგარიში კარიმ ბენზემამ გახსნა. ამით ფრანგმა თავდამსხმელმა რაულის რეკორდი გაიმეორა – ბენზემას ზედიზედ მე-17 წელია ჩემპიონთა ლიგაზე გოლი გააქვს.
მეორე გოლი კი “ატალანტას” სერხიო რამოსმა გაუტანა თერთმეტმეტრიანის ნიშნულიდან. ეს ჩემპიონთა ლიგაზე გატანილი რიგით მე-15 გოლი გახლდათ ესპანელი კაპიტნისთვის.
ჩემპიონთა ლიგის ისტორიაში მცველებს შორის ყველაზე მეტი გოლი რობერტო კარლოსს აქვს გატანილი (16). ამ შედეგამდე კი რამოსს მხოლოდ ერთი გოლი აშორებს.
🔝 Defenders with most goals in Champions League history:
⚽️1⃣6⃣ Roberto Carlos
⚽️1⃣5⃣ Sergio Ramos
⚽️1⃣5⃣ Gerard Piqué
⚽️1⃣5⃣ Iván Helguera
⚽️1⃣2⃣ Dani Alves#UCL pic.twitter.com/8s3iZv8EvR— UEFA Champions League (@ChampionsLeague) March 16, 2021
