რაფა მარკესმა მექსიკელ ფანებს თხოვა, რომ ფეხბურთელებისათვის დაძინების საშუალება მიეცათ (ვიდეო)

დღეს, 23 ივნისს, მსოფლიოს ჩემპიონატის F ჯგუფში ერთმანეთს მექსიკისა და კორეის ნაკრებები დაუპირისპირდებიან.

მატჩის წინა ღამდეს, მექსიკელი ფანები როსტოვში, ნაკრების სასტუმროსთან მივიდნენ და ფეხბურთელებს შეძახილებით ამხნევებდნენ. დაახლოებით, 22:00 საათის შემდეგ ფანებთან შესახვედრად მექსიკის ნაკრები გამოვიდა, რომელსაც წინ რაფა მარკესი მიუძღოდა.

გუნდის კაპიტანმა ფანებს მადლობა გადაუხადა და თხოვა, რომ მოთამაშეებისათვის დაძინების საშუალება მიეცათ.

“გულწრფელად გეუბნებით, აღტაცებულები ვართ იმ მხარდაჭერით, რასაც თქვენგან ვიღებთ. მთელი გუნდის სახელით მადლობას გიხდით, მაგრამ გვინდა გთხოვოთ, რომ დასვენების საშუალება მოგვცეთ. ხვალ ძალიან მნიშვნელოვანი მატჩი გველის. მთელი გულით გთხოვთ და ამავდროულად, ყველას დიდ მადლობას გხდით”, – უთხრა მარკესმა ფანებს.