რაფაელი: “იუნაიტედის” დატოვებაზე არ ვფიქრობ”

“წითელ ეშმაკთა” 23 წლის მოთამაშე უახლოეს მომავალში სამუშაო ადგილის შეცვლას არ აპირებს.

“მანჩესტერ იუნაიტედიდან” წასვლაზე არ ვფიქრობ. განსაკუთრებით კი გასულ სეზონში მიღწეული წარმატების შემდეგ”, – აცხადებს რაფაელ და სილვა.

“ამჟამად წასვლის არანაირი საფუძველი არ არსებობს. გუნდის ძირითად შემადგენლობაში გარანტირებული ადგილი მაქვს და სამშობლოში დაბრუნებას არ ვგეგმავ”, – დაასრულა ბრაზილიელმა მცველმა.

შეგახსენებთ, რაფაელი მანჩესტერელთა რიგებს 2008 წელს ბრაზილიური “ფლუმინესედან” თავის ძმასთან, ფაბიოსთან ერთად შეუერთდა. ამ დროის მანძილზე, მან 130 მატჩზე მეტი ჩაატარა. ინგლისის პრემიერ ლიგის მიმდინარე სეზონში, შვიდი ტურის შემდეგ “იუნაიტედი” მეცხრე პოზიციაზე იმყოფება.

სანდრო საპანაძე