რატომ აირჩია კევინ-პრინც ბოატენგმა “სასუოლო”?

კევინ-პრინც ბოატენგმა “სასუოლოში” გადასვლის შემდეგ პრესასთან განმარტა, თუ რატომ აირჩია ეს კლუბი. შეგახსენებთ, რომ გასულ სეზონში ბოატენგმა “აინტრახტთან” ერთად გერმანიის თასი მოიგო.

“რატომ ავირჩიე “სასუოლო”? აქ ხომ შესანიშნავ სპაგეტის აკეთებენ. ახლახან ვიყავი რესტორანში და ისეთი გემრიელი იყო, რომ შეფთან ჩასახუტებლად სამზარეულოშიც კი შევედი. ასეთი გემრიელი კერძები კარგი ნამდვილად არაა, ადვილად შეიძლება, გავსუქდე.

გერმანია მხოლოდ ჩემს ოჯახთან ახლოს ყოფნისთვის არ დამიტოვებია. ნიკო კოვაჩის წასვლამაც დიდი როლი ითამაშა. საიდუმლო არავისთვისაა, რომ “აინტრახტში” მის გამო მივედი.

იმის ცოდნა, რომ “ფრანკფურტის” კარი ჩემთვის ღიაა და გულშემატკივრები თბილად დამხვდებიან, ნამდვილად სასიამოვნოა ჩემთვის. როგორც იქნა, გუნდიდან არ გავუგდივართ!” – აცხადებს ბოატენგი.