რატომ არ მივიდა ლაშა ტალახაძე რუსთავი 2-ში?

მსოფლიოს უძლიერესი ადამიანი, ლაშა ტალახაძე გუშინ “რუსთავი 2”-ის სპორტულ გადაცემაში, “სპორტის საათში” არ მივიდა.

“სპორტის საათის” წამყვანის, ლაშა დვალიშვილის განცხადებით, რომელმაც ინტერვიუ ძალოსნობის ფედერაციის პრეზიდენტთან ჩაწერა, მას დიდი სურვილი ჰქონდა ტალახაძე და გიორგი ასანიძე გადაცემაში ეხილა, მაგრამ გარკვეული მიზეზების გამო მსოფლიო ჩემპიონებმა ამაზე უარი განაცხადეს.

შეგახსენებთ, რომ უამრავი რეკორდის ავტორმა და მსოფლიოს მრავალგზის ჩემპიონმა ლაშა ტალახაძემ პრეზიდენტობის კანდიდატის, სალომე ზურაბიშვილის საარჩევნო კლიპში მიიღო მონაწილეობა, რის შემდეგაც, ნიკა გვარამიამ მას არარაობა უწოდა.