რატომ დაიწუნა ჯამპიერო ვენტურამ ბრწყინვალე ფორმაში მყოფი სებასტიან ჯოვინკო?

იტალიის ეროვნული ნაკრების მთავარმა მწვრთნელმა, ჯამპიერო ვენტურამ განმარტა, თუ რატომ არ გამოიძახა სებასტიან ჯოვინკო ლიხტენშტაინისა და გერმანიის ნაკრებებთან გასამართი მატჩებისათვის, მსგავსად ელ შაარავისა და მარიო ბალოტელისა.

“ჯოვინკოს შემთხვევაში საქმე სულ სხვა რამესთან გვაქვს (ელ შაარავისთან შედარებით). ყველაფერს ვაკეთებდი მის დასახმარებლად, მაგრამ ფაქტია, რომ ის ისეთ ჩემპიონატში თამაშობს, რომელსაც დიდი ძალა (მნიშვნელობა) არ გააჩნია.

ნაკლები მნიშვნელობა აქვს მის მიერ გატანილ გოლთა რაოდენობასაც, რადგანაც მისი დონის ფეხბურთელისათვის ასეთ ლიგაში მსგავსი შედეგის ჩვენება ნორმალურია.”

ცნობისთვი გეტყვით, რომ MLS-ის გასული წლის საუკეთესო მოთამაშემ წლევანდელ სეზონში 17 გოლსა და 15 საგოლე გადაცემას მოუყარა თავი 28 მატჩში. მისმა ჰეთ-ტრიკმა კი “ტორონტო” აღმოსავლეთის კონფერენციის ნახევარფინალში გაიყვანა.