„რეალი“ პოგბაში 60 მილიონს იხდის
![](https://fanebi.com/wp-content/uploads/2014/02/Paul-Pogba.jpg)
ტურინის „იუვენტუსის“ ნახევარმცველ პოლ პოგბას შესაძლო ტრანსფერთან დაკავშირებით სპეკულაციები არ წყდება. „ელ მუნდო დეპორტივოს“ ცნობით, მადრიდის „რეალის“ პრეზიდენტი ფლორენტინო პერესი ახალგაზრდა ფრანგი ფეხბურთელის ტრანსფერის გასაჩარხად 60 მილიონ ევროს ამზადებს. გავრცელებული ინფორმაციის თანახმად, „სამეფო კლუბის“ ხელმძღვანელობა პოგბას შესაძლო ტრანსფერს პირად კონტროლზე აიყვანს. მანამდე ფრანგმა ნახევარმცველმა „იუვენტუსის“ ხელმძღვანელობას შეუთვალა, რომ მსოფლიოს ჩემპიონატის დასრულებამდე კლუბთან კონტრაქტს არ გაახანგრძლივებს.
20 წლის პოგბას მიმართ ინტერესს სხვა წამყვანი ევროპული კლუბებიც იჩენენ: „პარი სენ-ჟერმენი“, „ჩელსი“, „არსენალი“ და „მანჩესტერ იუნაიტედი“.
პოგბამ იტალიის ჩემპიონატის მიმდინარე გათამაშებაში 23 მატჩი ჩაატარა, ექვსი გოლი მიითვალა და შვიდი საგოლე გადაცემა გააკეთა.
ბექა დოგრაშვილი