“რეალის” ფანის პეტიცია — გადათამაშდეს “ბარსელონა”-“პარი სენ-ჟერმენის” მატჩი

მადრიდის “რეალის” ფანები დღემდე ვერ ეგუებიან ჩემპიონთა ლიგის მერვედფინალურ ეტაპზე “პარი სენ-ჟერმენთან” “ბარსელონას” ტრიუმფალურ ქამბექს (6:1). “სამეფო კლუბის” ერთ-ერთმა ქომაგმა ლუის მელენდო ოლმედომ ამ მატჩის გადათამაშების მიზნით ვებგვერდზე Change.org პეტიციაც კი მოამზადა. იგი თვლის, რომ შეხვედრის მთავარი არბიტრის, დენიზ აითექინის მიერ დაშვებულმა შეცდომებმა მატჩის მიმდინარეობაზე სერიოზული გავლენა იქონია და პარიზული გუნდი დააზარალა. ამის საილუსტრაციოდ “რეალის” ფანს არაერთი მაგალითი მოჰყავს. აღსანიშნავია, რომ პეტიციას 130 ათასზე მეტი ხელმომწერი უკვე შეუერთდა.