“რეალმა” “მაიკროსოფტთან” ხელშეკრულება გააფორმა
მადრიდის “რეალსა” და კორპორაცია “მაიკროსოფტს” შორის ოთხწლიანი კონტრაქტი გაფორმდა.
კონტრაქტის ფინანსური დეტალები ჯერჯერობით არ ხმაურდება, თუმცა მარკეტინგის ექსპერტები ღიად ამბობენ, რომ აღნიშნული ხელშეკრულება უფრო ძვირადღირებული იქნება, ვიდრე “ბარსელონასა” და “ინტელს” შორის შარშან გაფორმებული 25 მილიონ აშშ დოლარიანი კონტრაქტი, რომელიც ხუთ წელზეა გათვლილი. “რეალსა” და “მაიკროსოფტს” შორის გაფორმებული ხელშეკრულება “სამეფო კლუბს”, სავარაუდოდ, 30 მილიონ აშშ დოლარს მოუტანს, რისი ნაწილიც სტადიონის მოდერნიზებაზე დაიხარჯება.
დღეს საღამოს, “სანტიაგო ბერნაბეუზე” ხელშეკრულების პირობების შესახებ ოფიციალური განცხადება გაკეთდება.
აღნიშნულ ღონისძიებაში მონაწილეობას მიიღებენ “სამეფო კლუბის” პრეზიდენტი ფლორენტინო პერესი და ამერიკული კომპანიის აღმასრულებელი დირექტორი ორლანდო აიალა.
