“რეალმა” “ნოუ კამპზე” “ბარსელონა” დაამარცხა (ვიდეო)

თარიღი: აპრილი 3, 2016

ესპანეთის პრიმერადივიზიონის 31-ე ტურის ცენტრალური მატჩი “ნოუ კამპზე” გაიმართა, სადაც გათამაშების ერთპიროვნულმა ლიდერმა “ბარსელონამ” მადრიდის “რეალი” მიიღო. შეხვედრის დაწყებამდე სტადიონზე შეკრებილმა საზოგადოებამ კატალონიური გუნდის ლეგენდარული ჰოლანდიელი თავდამსხმელის, იოჰან კრუიფის ხსოვნას პატივი მიაგო. “ბლაუგრანას” მოთამაშეებს მაისურებზე საგანგებო წარწერა “Gracies Johan” (მადლობა, იოჰან) ჰქონდათ გამოსახული.

მატჩი თავიდანვე მჭიდრო ორთაბრძოლებით დაიწყო, ფეხბურთელები არც უხეშ თამაშს ერიდებოდნენ და საწყის ოც წუთში სტუმართა დაცვის ხაზი ყვითელი ბარათებით დაიტვირთა. არბიტრმა ჯერ სერხიო რამოსი გააფრთხილა, შემდეგ კი დანიელ კარვახალს უჩვენა ყვითელი ბარათი. 24-ე წუთზე კატალონიელთა ლიდერი ლეო მესი მეტოქის საჯარიმოში შეჭრას ცდილობდა, მაგრამ სერხიო რამოსმა ფეხი გამოსდო და არგენტინელი თავდამსხმელი ხაზთან წაიქცა. მსაჯმა ეს მომენტი უყურადღებოდ დატოვა. არადა, ჯარიმის დანიშვნის შემთხვევაში, არბიტრს გაფრთხილებული რამოსისთვის, დიდი ალბათობით, მეორე ყვითელი ბარათის ჩვენება და მისი მოედნიდან გაძევება მოუწევდა. ინიციატივა “ბარსას” ფეხბურთელებმა იგდეს ხელთ, “რეალმა” კი მეორე ნომრად თამაში არჩია. მადრიდელები ძირითადად სწრაფი კონტრშეტევების წყალობით ცდილობდნენ მეტოქის კართან ხიფათის შექმნას. პირველი ტაიმი უგოლოდ მიილია, თუმცა მაყურებელმა სწრაფი და დაძაბული თამაში იხილა, რაც მოწყენის საშუალებას არ იძლეოდა.

შეხვედრის მეორე ნახევრის დებიუტში “ბარსელონას” ფეხბურთელებმა მეტოქეზე წნეხი გააძლიერეს. ტაიმის დაწყებიდან ათი წუთის თავზე მესის ტექნიკურ დარტყმას კეილორ ნავასმა თვალსასეირო სეივით უპასუხა და ბურთი მოიგერია. შეტევას ერთბაშად რამდენიმე კუთხური მოჰყვა და მასპინძლებმა ეს სტანდარტი შესანიშნავად გამოიყენეს. მარჯვენა ფლანგიდან შესრულებული კუთხურის შემდეგ მეტოქის საჯარიმო მოედანზე მყოფი ხერარ პიკე პეპეს გაექცა და თავური დარტყმით ბურთი კარში გადაგზავნა. “რეალის” კიპერი ამჯერად უძლური აღმოჩნდა და ანგარიშიც გაიხსნა – 1:0. სტუმრებმა წონასწორობის აღდგენა მალევე შეძლეს. მარსელომ წარმატებული სოლორეიდის შემდეგ მეტოქის საჯარიმოში ტონი კროოსი მოძებნა, გერმანელმა ნახევარმცველმა გამჭოლი გადაცემა გააკეთა, ბურთი კარის წინ მდგარ კარიმ ბენზემას მიუვიდა, რომელმაც აკრობატულ ნახტომში შესრულებული დარტყმით ანგარიშის გათანაბრება მოახერხა – 1:1. შეხვედრის მე-80 წუთზე მატჩის ყველაზე საკამათო ეპიზოდი განვითარდა. კრიშტიანუ რონალდუმ საჯარიმოში გარეტ ბეილს ჩაუწოდა, უელსელმა ფეხბურთელმა მეორე სართულზე ბრძოლა მოიგო და გოლიც გაიტანა, თუმცა არბიტრმა კატალონიელთა სასარგებლოდ თამაშის წესის დარღვევა დააფიქსირა. სამ წუთში სერხიო რამოსმა ლუის სუარესის წინააღმდეგ იუხეშა და მსაჯმაც ესპანელ მცველს უყოყმანოდ უჩვენა მეორე ყვითელი ბარათი. სტუმრები მოედანზე რიცხობრივ უმცირესობაში დარჩნენ, თუმცა 85-ე წუთზე “რეალის” მორიგი შეტევა რონალდუმ გოლით დააგვირგვინა და “სამეფო კლუბი” დააწინაურა – 1:2. სტუმრებმა ამ უპირატესობის შენარჩუნება მოახერხეს და “ნოუ კამპიდან” 3 ქულა წაიღეს. ამრიგად, “რეალმა” პირველ წრეში “ბარსელონასთან” შინ განცდილი მარცხის (0:4) შემდეგ “ნოუ კამპზე” რევაშის აღება შეძლო.

“ბარსელონას” აქტივში 76 ქულა დარჩა და ახლა კატალონიური გუნდი 6 ქულით უსწრებს მადევარ “ატლეტიკოს”. რაც შეეხება “რეალს”, მესამე ადგილზე მყოფმა “სამეფო კლუბმა” 69 ქულა მოაგროვა.

ესპანეთის პრიმერადივიზიონი
31-ე ტური
“ბარსელონა” — “რეალი” 1:2 (0:0)

“ბარსელონა”: ბრავო, დანი ალვესი, მასკერანო, პიკე, ხორდი ალბა, ბუსკეტსი, ინიესტა, რაკიტიჩი (არდა თურანი 74′), მესი, სუარესი, ნეიმარი.
მთავარი მწვრთნელი: ლუის ენრიკე.
“რეალი”: ნავასი, კარვახალი, რამოსი, პეპე, მარსელო, კაზემირო, კროოსი, მოდრიჩი, ბეილი (ლუკას ვასკესი 90+1′), ბენზემა (ხესე 78′), რონალდუ.
მთავარი მწვრთნელი: ზინედინ ზიდანი.
გოლები: პიკე 56′, — ბენზემა 62′, რონალდუ 85′.
გაფრთხილებები: სუარესი 27′, მასკერანო 29′, რაკიტიჩი 58′ — სერხიო რამოსი 10′, კარვახალი 18′
გაძევება: სერხიო რამოსი 83′.
მთავარი არბიტრი: ალეხანდრო ერნანდესი.



მსგავსი სიახლეები
ფეხბურთი

ქეცბაიას გიჟური აღნიშვნა და გოლი, რომელიც ინგლისში არასდროს ავიწყდებათ (ვიდეო)

1998 წელს ამ დღეს თემურ ქეცბაიამ “ბოლტონს” გამარჯვების გამტანი გოლი გაუტანა და მას შემდეგ რაც […]...
წაკითხვა
ფეხბურთი

ფიფას დაჯილდოება — რომელმა ფეხბურთელებმა მიიღეს ხმები საქართველოდან

როგორც მოგეხსენებათ, ფიფას წლის საუკეთესო ფეხბურთელის ვინაობა ეროვნული ნაკრებების მთავარი მწვრთნელების, კაპიტნებისა და სპორტული ჟურნალისტების [&hellip...
წაკითხვა
ფეხბურთი

საბა, საბა! – 20 ათასი თურქი გულშემატკივარი საბა ლობჟანიძის სახელს სკანდირებდა (ვიდე

საქართველოს ნაკრების შემტევმა თურქეთის სუპერ ლიგაში “გალათასარაის” 2 გოლი გაუტანა და “ჰათაისფორს” “გალასთან” 4-2 მ...
წაკითხვა
ფეხბურთი

ტიბო კურტუამ პენალტი ფანტასტიკურად მოიგერია (ვიდეო)

მადრიდის “რეალი” სუპერთასის გამარჯვებული გახდა. 86-ე წუთზე “რეალის” კარში პენალტი დანიშნა, მაგრამ კურტუამ ძალიან მაგარი [&hell...
წაკითხვა
ფეხბურთი

პერესის გეგმები – ჰალანდი 150 მილიონად, მბაპე უფასოდ

დორტმუნდის “ბორუსია” ერლინგ ჰალანდზე სერიოზულ ზეწოლას ახდენს გადაწყვეტილება რაც შეიძლება მალე მიიღოს და Bild-ის ინფორმაციით, […]...
წაკითხვა
ფეხბურთი

მენდის ფინტები საკუთარ საჯარიმოში (ვიდეო)

Ferland Mendy Skills vs Barcelona#ElClasico #BarcelonaRealMadrid pic.twitter.com/zqXj7hrH2f — Chebli Ishaq (@IshaqChebli) January 12, 2022...
წაკითხვა
ფეხბურთი

კრის მაგუაირმა გოლი ყოფილი მწვრთნელის წინ აღნიშნა (ვიდეო)

11 დეკემბერს, ინგლისის ლიგა ერთში “სანდერლენდმა” საკუთარ მოედანზე “ლინკოლნ სიტი” მიიღო და ანგარიშით 1:3 დამარცხდა. […]...
წაკითხვა
ფეხბურთი

ენდი ქეროლს 60 წამში ორი ულამაზესი გოლი არ ჩაუთვალეს

ფეხბურთის გულშმატკივრებისთვის კარგად ნაცნობი ენდი ქეროლი ამჟამად ინგლისის ჩემპიონშიპში მოასპარეზე “რედინგის” ღირსებას იცავს. 11 იანვარს [&...
წაკითხვა
ფეხბურთი

ასეთი რამ მხოლოდ აფრიკის თასზე ხდება – რა საოცრება გააკეთა მსაჯმა ? (ვიდეო)

აფრიკის თასზე ეთიოპია – კაპე ვერდეს ეთამაშებოდა და მატჩის მე-8 წუთზე ეთიოპიელმა მცველმა თავდამსხმელი საჯარიმოსთან […]...
წაკითხვა
ფეხბურთი

დუდეკი: “ვერც კი წამოიდგენთ, რას ეუბნებოდა მესი პეპესა და რამოსს”

ვეტერანმა პოლონელმა მეკარემ, იერჟი დუდეკმა ავტობიოგრაფიული წიგნი გამოუშვა, სადაც ის საკუთარ კარიერაზე და მნიშვნელოვან ეტაპზე […]...
წაკითხვა
ფეხბურთი

პატივისცემა: რა ვიდეოს აქვეყნებს მამუკა გორგოძე?

ლეგენდარული ქართველი მორაგბე მამუკა გორგოძე სოციალურ ქსელში “ტორინოს” ფეხბურთელის, ანდრია ბელოტის ვიდეოს აქვეყნებს, როცა ბელოტი […]...
წაკითხვა