“რეალმა” შინ “ლევანტე” დაამარცხა, ბენზემამ დუბლი გაიფორმა (ვიდეო)

ლა ლიგის მე-4 ტურში მადრიდის “რეალმა” საკუთარ კედლებში “ლევანტე” მიიღო. სამი ტურის შემდეგ ზინედინ ზიდანის გუნდს 5 ქულა უგროვდებოდა და ამ მატჩში გამარჯვება ძალიან სჭირდებოდა.

მადრიდელებმა პირველი ტაიმი ბრწყინვალედ ჩაატარეს და მეტოქის კარში სამი გოლის გატანა შეძლეს – 25-ე წუთზე დანი კარვახალის ჩაწოდება კარიმ ბენზემამ თავური გოლით დააგვირგვინა. 31-ე წუთზე კი ხამეს როდრიგესმა გაატანინა ფრანგ თავდამსხმელს. ტაიმის ბოლო გოლი კი ვინისიუსის ბრწყინვალე პასის შედეგად მეკარესთან მარტო დარჩენილმა კაზემირომ გაიტანა.

მეორე ტაიმში “ბლანკოსის” დაცვა არასახარბიელოდ გამოიყურებოდა, რითიც პირველად ბორხა მაიორალმა ისარგებლა და ერთი გოლი გაქვითა. 75-ე წუთზე კი მერელომაც შეძლო გოლის გატანა და მატჩში ინტრიგა დააბრუნა.

შეხვედრაში მეტი გოლი არ გასულა და “რეალმა” მნიშვნელოვანი სამი ქულა ჩაიწერა აქტივში. მომდევნო ტურში “რეალის” მეტოქე “სევილია” იქნება. “ლევანტე” კი “ეიბარს” მიიღებს.