“რეალს” ბეილის გაყიდვა სურს

მადრიდის “რეალის” თემებზე სპეციალიზებული ინტერნეტგამოცემა Defensa Central იუწყება, რომ “სამეფო კლუბს” გუნდში გარეტ ბეილის შენარჩუნება არ სურს და მის გაყიდვას ეცდება.

წყაროს თანახმად, დამოუკიდებლად იმისა, თუ როგორ წარმოაჩენს თავს “ტოტენჰემ ჰოთსპურში” განათხოვრებული უელსელი ფეხბურთელი, “რეალის” ხელმძღვანელობას მისი გაყიდვა გადაწყვეტილი აქვს და მზად არის ბეილს 30 მილიონი ევროს სანაცვლოდ შეელიოს.

შეგახსენებთ, რომ გარეტ ბეილი “რეალში” “ტოტენჰემიდან” 2013 წელს გადავიდა. მაშინ მადრიდელებმა ასი მილიონი ევრო გადაიხადეს. უელსელი ფეხბურთელი ლონდონურ გუნდში მიმდინარე სეზონის დაწყებამდე იჯარის წესით დაბრუნდა.

გარეტ ბეილმა ამ სეზონში “ტოტენჰემის” ფორმით ყველა ტურნირზე ერთად 21 მატჩი ჩაატარა, რვა ბურთი გაიტანა და სამი შედეგიანი გადაცემა მიითვალა.