“რეალს” იოზილის შესაძლო ტრანსფერში ექსკლუზიური უფლება ენიჭება

მადრიდის “რეალს” ლონდონის “არსენალის” ნახევარმცველ მესუთ იოზილის შესაძლო ტრანსფერის განხორციელებაში სხვა კლუბებთან შედარებით უპირატესობა ენიჭება.

ინტერნეტსივრცეში გავრცელდა “სამეფო კლუბსა” და “მეთოფეებს” შორის გაფორმებული ხელშეკრულების ასლი, რომლის თანახმადაც, თუ ლონდონელები იოზილის გაყიდვას გადაწყვეტენ, მადრიდელებს 48-საათიანი ვადა მიეცემათ იმისთვის, რომ ტრანსფერი განახორციელონ. გარდა ამისა, თუ რომელიმე ესპანური კლუბი იოზილის სანაცვლოდ 50 მილიონ ევროზე მეტს გადაიხდის, თანხის 33 პროცენტი “რეალის” ბიუჯეტის სასარგებლოდ დაირიცხება.

აქვე შეგახსენებთ, რომ ცოტა ხნის წინათ მესუთ იოზილი 2015 წლის გერმანიის ნაკრების საუკეთესო ფეხბურთელად დაასახელეს.