რეალური გარიგება. მოურინიო რამოსს “სტემფორდ ბრიჯზე” გადასვლისკენ მოუწოდებს
ესპანელი მცველი შესაძლოა, ნისლიან ალბიონზე გადავიდეს.
“ჩელსის” მთავარი მწვრთნელი, ჟოზე მოურინიო სერხიო რამოსს, რომელთან ერთადაც წლების მანძილზე მუშაობდა, მოუწოდებს, რომ მხოლოდ “ჩელსიში” გადავიდეს და მასთან ერთად უამრავ ტიტულს მოიგებს.
უკანასკნელი ინფორმაციით, რამოსს “რეალის” ახალ მწვრთნელთან, რაფაელ ბენიტესთან მუშაობა არ სურს და გუნდში მხოლოდ მაშინ დარჩება, თუ წელიწადში 12 მილიონს მიიღებს, მაგრამ გუნდი გამოცდილ ესპანელს 10 მილიონზე მეტს არ სთავაზობს.
“ჩვენ ველოდებით ზარს “რეალის” ხელმძღვანელებისგან, ხელფასის გაზრდის თაობაზე. გუნდთან ორწლიანი ხელშეკრულება კიდევ გვაკავშირებს და მადრიდში კარიერის დასრულება კარგი იქნებოდა სერხიოსთვის, მაგრამ ეს ფეხბურთია და ყოველი დღე ახალი ეტაპია შენთვის. არასდროს იცი, რა იქნება ხვალ,”-განაცხადა 29 წლის უკანახაზელის აგენტმა.
რამდენიმე დღის წინ კი, სერხიო რამოსით დაინტერესება “მანჩესტერ იუნაიტედმა” გამოხატა.
