რეალური მიზეზი, რის გამოც ნაინგოლანმა “კალიარიში” დაბრუნება გადაწყვიტა

დღეს საკმაოდ მოულოდნელი ინფორმაცია გავრცელდა რაჯა ნაინგოლანის “ინტერიდან” წასვლის თაობაზე. როგორც ცნობილი ხდება, ბელგიელი ფეხბურთელი “კალიარიში” ერთწლიანი იჯარის პირობებით ითამაშებს.

მართალია, თავდაპირველად რაჯა ნაინგოლანის ამ გადაწყვეტილებამ ბევრი გააკვირვა, თუმცა ამ ტრანსფერის რეალური მიზეზი “ინტერის” ფეხბურთელის მეუღლე გახლავთ, რომელიც სიმსივნეს ებრძვის.

საქმე ის გახლავთ, რომ რაჯა ნაინგოლანის მეუღლე წარმოშობით სარდინიადან არის და ასეთ დროს მისთვის ძალიან მნიშვნელოვანია მშობლიურ გარემოში ყოფნა. აღსანიშნავია, რომ ნაინგოლანმა დედაც ამ დაავადებასთან ბრძოლისას დაკარგა.

ბელგიელი ფეხბურთელისთვის ფსიქოლოგიურად თავისი მეუღლის მდგომარეობა ყველაზე მნიშვნელოვანია და სწორედ ამიტომაც დაბრუნდა “კალიარიში”, სადაც 2010-2014 წლების პერიოდში თამაშობდა.