რედნაპი იმედოვნებს, რომ ინგლისის ნაკრები ევროპის ჩემპიონი გახდება

ჰარი რედნაპს, რომელმაც მიმდინარე წლის დასაწყისში ქპრ-ს თავკაცის პოსტი დატოვა, 2016 წლის ევროპის ჩემპიონატზე ინგლისის ნაკრების პერსპექტივის სჯერა.

„ინგლისის ნაკრებში 3-4 ახალგაზრდა მოთამაშე გამოჩნდა. როი ჰოჯსონს კონკურნეტუნარიანი შემადგენლობა ეყოლება. გული დამწყდება, თუ ნახევარფინალამდე მაინც ვერ მივალთ. საერთოდ, ტურნირის მოგების იმედი მაქვს.

სტერლინგი წარმოუდგენელი ტალანტია. ასევე სტარიჯს, კეინსა და ბარკლის გამოვყოფდი. ასევე საკმაო რაოდენობის განაპირა მცველი გვყავს.

ამ შემადგენლობით ჰოჯსონის გუნდი საუკეთესო უნდა იყოს. ასე რომ, თუ ევროპის ჩემპიონები ვერ გავხდებით, სხვა შანსი, შესაძლოა, არც გვქონდეს“, – განაცხადა რედნაპმა.