ლიხტენშტეინის ნაკრების თავკაცი: „ჩემი გუნდის თამაშით კმაყოფილი ვარ“
თარიღი: მარტი 5, 2014
საქართველოსა და ლიხტენშტეინის ეროვნულ ნაკრებთა შორის გამართული ამხანაგური მატჩის (2:0) შემდეგ გამართულ პრესკონფერენციაზე სტუმართა გუნდის თავკაცმა რენე პაურიჩმა, მარცხის მიუხედავად, განაცხადა, რომ კმაყოფილია.
„ანგარიში გასაკვირი არ არის. ქართველი ფეხბურთელები მზად იყვნენ. მეტოქე გუნდის შემადგენლობიდან მე-9 (თორნიკე ოქრიაშვილი) და მე-11 (გიორგი ჭანტურია) ნომრებს გამოვარჩევდი. ვამაყობ ჩემი გუნდით. მიუხედავად იმისა, რომ ფეხბურთელები გვაკლდნენ, მომენტები შევქმენით. ჩემი გუნდის თამაშით კმაყოფილი ვარ. პრობლემები იყო, ეს ყველაზე კარგად მე ვიცი და ვეცდებით, რომ ეს პრობლემები დავძლიოთ“, – აღნიშნა პაურიჩმა.
ბექა დოგრაშვილი
მსგავსი სიახლეები