რევაზ ძოძუაშვილი: “წლევანდელ ჩემპიონატში მსაჯობის დონემ ძალიან აიწია”
შსს-ს მიერ მსაჯთა დაკავების ფაქტს ქართულ საფეხბურთო საზოგადოებაში საკმაოდ დიდი გამოხმაურება მოჰყვა. Fanebi.com აღნიშნულ საკითხთან დაკავშირებით ქუთაისის “ტორპედოს” მთავარ მწვრთნელს, რევაზ ძოძუაშვილს შეეხმიანა, რომელმაც საკუთარი პოზიცია დააფიქსირა.
“უკეთესი იქნებოდა, რომ ეს ფაქტი არ მომხდარიყო. ალბათ ყველამ დავაკელით რაღაც და ასეთი შედეგიც ამიტომ გვაქვს. თუმცა, დღესდღეობით ტოტალიზატორები მსოფლიო თამაშია და ხალხსაც ეს აზარტი ძალიან იტაცებს. პასუხი იმ ხალხმაც უნდა აგოს, ვისაც გარკვეული სადავეები აქვთ ხელში.
თამამად შემიძლია ვთქვა, რომ რაც ჩეპიონატი დაიწყო, ასეთი მსაჯობა არ მახსოვს. არ ვიცი, რა ხდება პირველ და მეორე ლიგებში, მაგრამ უმაღლესში ევროპაში ერთ-ერთი საუკეთსო მსაჯები იყვნენ.
საერთოდ, წლევანდელ გათამაშებაში მსაჯობის დონემ ძალიან აიწია და ჩვენს შეხვედრებშიც სამაგალითო მსაჯობა იყო. თუნდაც, “სამტრედიასთან”, “ვიტ ჯორჯიასთან” და “დილასთან” მატჩები რომ განვიხილოთ.
წელიწადია უკვე, რაც “ტორპედოში” ვარ და მხოლოდ ერთი წითელი მივიღეთ. ყველა მარცხი ჩვენი ბრალი იყო, ამიტომ მსაჯებზე ცუდის თქმა არ შემიძლია. ამ ბიჭებმა საკუთარი საქმე კარგად იციან და ცუდია, რომ ასეთ კადრებს ვკარგავთ”
