რიბერი: „ოქროს ბურთს“ მეუღლეს, შვილებსა და მამას მივუძღვნი“

მიუნხენის „ბაიერნის“ ნახევარმცველი ფრანკ რობერი თვლის, რომ „ოქროს ბურთს“ იმსახურებს. შეგახსენებთ, რომ აღნიშნული ჯილდოს მოპოვების პრეტენდენტები არიან: ლეო მესი, კრიშტიანო რონალდუ და თავად რიბერი.

„კლუბისთვის და ჩემთვის შესანიშნავი წელიწადი იყო. ყველა შესაძლო რეკორდი დავამხეთ და გავუმკლავდით სერიოზულ ზეწოლას მოედანსა და მოედანს მიღმა. ევროპის საუკეთესო ფეხბურთელის ჯილდო დამსახურებულად მოვიპოვე. მშვენიერი იქნება, თუ „ოქროს ბურთსაც“ გადმომცემენ. ამ ჯილდოს მეუღლეს, შვილებსა და მამას მივუძღვნი.

მესისთან და რონალდუსთან ერთად ნომინანტთა შორის მოხვედრა თავისთავად აღსანიშნავია. მოგების მშვენიერი შანსი მაქვს. 2013 წელი ჩემს კარიერაში საუკეთესო იყო“, – ციტირებს რიბერის სიტყვებს Goal.com-ი.

შეგახსენებთ იმასაც, რომ წუხელ ფრანგი ფეხბურთელი გასული საკლუბო მსოფლიოს ჩემპიონატის საუკეთესო მოთამაშედაც დაასახელეს.

„ოქროს ბურთის“ დაჯილდოების ცერემონიალი 2014 წლის 13 იანვარს შედგება.

ბექა დოგრაშვილი