რიო ფერდინანდი: “მზად ვარ, ინგლისის ნაკრები ჩავიბარო”

“მანჩესტერ იუნაიტედისა” და ინგლისის ნაკრების ყოფილმა მცველმა რიო ფერდინანდმა 2016 წლის ევროპის ჩემპიონატზე ინგლისის ნაკრების წარუმატებელი ასპარეზობის შესახებ ისაუბრა და მზადყოფნა გამოთქვა, ეროვნულ გუნდს სათავეში ჩაუდგეს.

“პრობლემაა, როდესაც მიდიხარ ტურნირზე და გარკვეული არ ხარ, რომელია სასტარტო შემადგენლობა და რომელი – სათადარიგო. ინდივიდუალურად ძლიერ მოთამაშეებს გუნდში ყოველთვის სჭირდებათ ფეხბურთელები, რომლებსაც დაეყრდნობიან. გუნდს უნდა ჰქონდეს საძირკველი, სათამაშო სტრუქტურა და უნდა ესმოდეს, რას აკეთებს. აი, ამიტომ უნდა ვიყო მე მწვრთნელი. ყოველთვის მზად ვარ, ჩავიბარო ინგლისის ნაკრები”, – ციტირებს რიო ფერდინანდის სიტყვებს Goal.com-ი.

პრესაში გავრცელებული ინფორმაციით, რიო ფერდინანდი შესაძლოა, “მანჩესტერ იუნაიტედის” სამწვრთნელო შტაბში დასაქმდეს.