რის გამო გააძევეს იანიკ ბოლასი პორტუგალიის ჩემპიონატის მატჩში? (ვიდეო)

21 დეკემბერს, პორტუგალიის ლიგის თასის მატჩში “პორტიმონენსემ” საკუთარ მოედანზე “სპორტინგი” მიიღო და ანგარიშით 2:4 დამარცხდა.

პირველი ტაიმის მიწურულს, “სპორტინგის” ფეხბურთელმა, იანიკ ბოლასიმ მეორე ყვითელი ბარათი მიიღო და მოედანი დატოვა. აღსანიშნავია, რომ ამ შემთხვევაში მისმა მოწინააღმდეგემ აშკარად ისიმულიანტა.

ეპიზოდის ამსახველი კადრი თავად ბოლასიმ სოციალურ ქსელში გამოაქვეყნა: “დღეს ამის გამო მოედნიდან გამაძევეს. წაიყვანეთ ჰოლივუდში. მიხარია, რომ გუნდმა გაიმარჯვა.”

👀 So I Got Sent Off For This Today SMH 🤦‍♂️ Sign Him Up For Hollywood🎭😂…I’m Just Happy The Team Got The WIN😏✅ Great Spirit & Fight From The Boys…Into The Semi Finals Now💪🏿🦁💚 #YYB @Sporting_CP pic.twitter.com/HYwvDXlXuK

— Yannick Bolasie (@YannickBolasie) December 21, 2019