რიცოლიმ “იუვესა” და “ინტერს” შორის გამართულ მატჩში მომხდარ საკამათო ეპიზოდზე ისაუბრა (ვიდეო)
იტალიელმა არბიტრმა ნიკოლა რიცოლიმ სერია A-ს 23-ე ტურში ტურინის “იუვენტუსსა” და მილანის “ინტერს” შორის გამართულ მატჩში (1:0) მომხდარ საკამათო ეპიზოდზე კომენტარი გააკეთა. კერძოდ, თამაშგარე მდგომარეობის დაფიქსირების შემდეგ ჯორჯო კიელინიმ ბურთი უხეიროდ გაათამაშა და მაურო იკარდის გოლის გატანის რეალური შესაძლებლობა მიეცა, თუმცა რიცოლიმ სტანდარტის შესრულება ხელმეორედ მოითხოვა. მსაჯის გადაწყვეტილებების გაპროტესტების გამო აღნიშნული შეხვედრის შემდეგ “ინტერის” ფეხბურთელები ივან პერიშიჩი და იკარდი ორმატჩიანი დისკვალიფიკაციით დასაჯეს.
“ვფიქრობ, რომ “ინტერი” საკუთარი ფეხბურთელების დისკვალიფიკაციის ხანგრძლივობის შემცირებას ცდილობს და ეს გასაგებიც არის. თავისუფალი დარტყმის დროს ბურთი გაჩერებული არ იყო, შესაბამისად თამაში არასწორად განახლდა. ამიტომაც ვითხოვე სტანდარტის ხელმეორედ შესრულება”, – აღნიშნა რიცოლიმ.
— თუმცა, იკარდის გოლის გატანის ასპროცენტიანი შანსი ჰქონდა…
— მომენტის არსებობისთვის ბურთი თამაშში უნდა იყოს. ამ საუბარს აზრი არ აქვს. ეს ყველაფერი იტალიური ფეხბურთის განუყოფელი ნაწილია.
