რივალდო: “სოლარის “რეალის” თავკაცად მუშაობისთვის საჭირო უნარები არ აქვს”

ბრაზილიის ნაკრებისა და “ბარსელონას” ყოფილი თავდამსხმელი რივალდო თვლის, რომ მადრიდის “რეალის” მწვრთნელის მოვალეობის შემსრულებლად დანიშნული სანტიაგო სოლარი ამ საქმიანობის სრულფასოვნად შესრულებისთვის ჯერ მზად არ არის.

“სოლარის მიმართ ჩემი პატივისცემის მიუხედავად, ვთვლი, რომ მას არ აქვს ის უნარები, რომლებიც საჭიროა “რეალის” მთავარი მწვრთნელის პოსტზე მუშაობისას”, – ციტირებს რივალდოს სიტყვებს “მარკა”.

შეგახსენებთ, რომ მადრიდის “რეალის” ხელმძღვანელობამ გუნდის თავკაცის პოსტიდან ხულენ ლოპეტეგის გათავისუფლების შემდეგ მთავარი მწვრთნელის მოვალეობის შემსრულებლად სანტიაგო სოლარი დანიშნა, რომელიც “სამეფო კლუბის” ღირსებას მოთამაშის რანგში 2000–2005 წლებში იცავდა, სამწვრთნელო საქმიანობა კი 2013 წელს “ბლანკოსის” ახალგაზრდულ გუნდში დაიწყო.