რობენი მსოფლიო ჩემპიონატზე: “ჩვენთვის ყველაფერი დასრულებულია”
ჰოლანდიის საფეხბურთო ნაკრებისა და მიუნხენის “ბაიერნის” შემტევი, არიენ რობენი უარს ამბობს უსაფუძვლო ოცნებებზე და აღიარებს, რომ ჰოლანდიის ნაკრები მსოფლიო ჩემპიონატზე ვერ მოხვდება.
“ძალიან მტკივნეულია, ეს ამ სპორტის ყველაზე ნეგატიური მხარეა. შვედეთის შედეგის შემდეგ, ჩვენ მომდევნო ეტაპზე გასვლის ყველანაირი შანსი დავკარგეთ. ბელარუსს 8-0-ს ვერ მოვუგებდით და ვერც შვედეთს მოვუგებთ მსგავსი ანგარიშით.
როდესაც გავიგეთ, რომ შვედეთმა ასეთი ანგარიშით (8-0) მოიგო, დიდი დარტყმა მივიღეთ. ვენი შანსები ვერ გამოვიყენეთ, ახლა კი ყველაფერი დასრულებულია,”- აცხადებს რობენი.
საქმე ისაა, რომ შვედეთმა მუნდიალის საკვალიფიკაციო ეტაპის მეცხრე ტურის მატჩში რვა გოლი გაუტანა ლუქსემბურგის ნაკრებს, რითიც თითქმის გაინაღდა ჯგუფში მეორე ადგილი. ბოლო ტურში შვედეთი ჰოლანდიელებს გასვლაზე უნდა დაუპირისპირდეს. “ნარინჯისფრები” რუსეთის საგზურს მხოლოდ იმ შემთხვევაში მოიპოვებენ, თუ შვედებს 7-1 ან უფრო დიდი ანგარიშით მოუგებენ.
