რობერტ ლევანდოვსკიმ ბავშვობის საყვარელი ფეხბურთელი დაასახელა

მიუნხენის “ბაიერნის” თავდამსხმელმა, რობერტ ლევანდოვსკიმ განაცხადა, რომ ტიერი ანრი მისი საყვარელი ფეხბურთელი იყო.

“როცა 6 წლის ვიყავი, მახსოვს, როგორ თამაშობდა რობერტო ბაჯო 1994 წლის მსოფლიო ჩემპიონატზე. 10-დან 14 წლამდე, ჩემთის საუკეთესო ალესანდრო დელ პიერო გახლდათ. ჩემი საყვარელი ფეხბურთელი ტიერი ანრი იყო. ის საოცრად თამაშობდა, გამორჩეული იყო როგორც გოლებით, ასევე იმით, თუ რას აკეთებდა გუნდისათვის. გოლის გატანა ორივე ფეხით შეეძლო. მეც მსურდა, რომ ბევრი გოლი გამეტანა, ამიტომ მისგან ბევრი რამის სწავლა შემეძლო.

მახსოვს, როცა პირველად ანრის შევხვდი, გავიფიქრე: “ვაუ, ბავშვობის საყვარელი ფეხბურთელი ვნახე”. ახლა მას ჩემი მაისური სურს, რაც გასაოცარია. მჯერა, რომ ოცნებები ხდება”, – ციტირებს ლევანდოვსკის სიტყვებს “დეილი მეილი”.