რობერტ ფერნანდესი: “ბარსელონა” აუცილებლად გაასაჩივრებს სერხი რობერტოსა და ლუის სუარესის წითელ ბარათებს”
გუშინ ესპანეთის სამეფო თასის ნახევარფინალის განმეორებით შეხვედრაში კატალონიის “ბარსელონა” საკუთარ მოედანზე მადრიდის “ატლეტიკოს” დაუპირისპირდა. მატჩი, ანაგრიშით, 1-1 დასრულდა და ორი შევხედრის ჯამური შედეგით (3-2) ფინალში “ბლაგურნა” გავიდა.
თამაში ძალიან დაძაბული გამოდგა. შეხვედრის მთავარმა არბიტრმა მეორე ტაიმის 57-ე წუთზე კატალონიელთა მარჯვენა მცველი, სერხი რობერტო შეხვედრიდან გააძევა. მეორე მომენტში კი, 90-ე წუთზე სუარესს უჩვენა მეორე ყვითელი ბარათი და ურუგვალესაც მოუწია თამაშიდან გამოთიშვა. შესაბამისად, ისინი ფინალში მონაწილეობას ვეღარ მიიღებენ.
დღეს “ბარსას” სპორტულმა დირექტორმა, რობერტ ფერნანდესმა ჟურნალისტებთან ისაუბრა და გაანცხადა, რომ, კლუბის ხელმძღვანელობა სავარაუდოდ, ორივე ფეხბურთელის წითელ ბარათს გაასაჩივრებს.
“ორივე შემთხვევის ჩანაწერს ვნახავთ და დეტალურად განვიხილავთ, ღირს თუ არა გასაჩივრება.”
“საერთოდაც, ვფიქრობ, რომ წესი უნდა შეიცვალოს და ფინალში თამაშის უფლება ყველა ფეხბურელს უნდა ჰქონდეს,” – აცხადებს ფერნანდესი.
