როდის დაიწყება ინგლისის პრემიერ ლიგის 2020-2021 წლების სეზონი?
ინგლისის პრემიერ ლიგის მიმდინარე სეზონი 26 ივლისს დასრულდება. ჩემპიონი “ლივერპულია”, რომელიც თასს ხვალ “ენფილდზე” აწევს.
კორონავირუსის გამო, სეზონი გვიან სრულდება, გულშემატკივრებს კი აინტერესებთ, როდის დაიწყება მომდევნო გათამაშება.
როდის დაიწყება პრემიერ ლიგის 2020-21 წლების სეზონი?
Goal.Com-ის ინფორმაციით, ინგლისის ფეხბურთის ასოციაცია საკითხზე აქტიურად მუშაობს. განიხილება ორი თარიღი – 29 აგვისტო ან 12 სექტემბერი. ჩემპიონატის დაწყების უფრო რეალური თარიღი 29 აგვისტოა, რასაც ხელს უწყობს ის ამბავიც, რომ 5 და 8 სექტემბერს ინგლისის ნაკრები უეფას ერთა ლიგაზე ორ მატჩს გამართავს, ამიტომაც სურთ, რომ ჩემპიონატი უფრო მალე დაიწყოს.
პრემიერ ლიგის კლუბების ნაწილს ჩემპიონატის სექტემბერში დაწყება სურს, რათა ფეხბურთელებს დასვენებისათვის მეტი დრო მიეცეთ და სეზონს უფრო მომზადებული შეხვდნენ.
როდის დასრულდება პრემიერ ლიგის 2020-21 წლების სეზონი?
ზუსტი თარიღი უცნობია, მაგრამ დიდი ალბათობით, თუ ყველაფერი ნორმალურ ვითარებაში წარიმართა, სეზონი 2021 წლის მაისში დასრულდება.
