როგორ ეხმაურებიან უცხოელი ქომაგები გოგა ბითაძის თამაშს “ჩიკაგო ბულსის” წინააღმდეგ

თარიღი: ნოემბერი 4, 2019

4 ნოემბერს, გოგა ბითაძემ NBA-ს მატჩში, სასტარტო ხუთეულში პირველად ითამაშა. გოგას “ინდიანა პეისერსი” საკუთარ კედლებში “ჩიკაგო ბულსს” დაუპირისპირდა და მეტოქე 108:94 დაამარცხა. ახალგაზრდა ქართველმა ცენტრმა პარკეტზე 18:57 წუთი გაატარა, ამ დროის განმავლობაში კი 9 ქულა, 4 მოხსნა, 3 პასი და 4 დაფარება მიითვალა. რომ არა პერსონალური ფოლები, ბითაძე კიდევ უფრო მეტს ითამაშებდა.

ბითაძის თამაშს სოციალურ ქსელ Twitter-ში უცხოელი გულშემატკივრები დადებითად აფასებენ.


“ბითაძე… კარგი ქართველი.”

“მომწონს გოგა ბითაძე და მომწონს ეს “პეისერსი”.

“ტრავმების ერთადერთი კარგი მხარე ის არის, რომ ბითაძე კარგ გამოცდილებას იღებს.”

“გოგა, გთხოვ, გააგრძელე იმის კეთება, რასაც აკეთებ.”

“ზედიზედ ორ მატჩში, გოგა ბითაძის ოთხი ბლოკი.”

“გოგა ბითაძე “პეისერსში” საუკეთესო დამფარებელია.”

“გოგა ბითაძე სასტარტო ხუთეულში იყო, სროლის ბრწყინვალე პროცენტული მაჩვენებელი ჰქონდა და კვლავ 4 ბლოკი 19 წუთში. რომ არა მიღებული ჯარიმები, ის მატჩს 20+ ქულით მარტივად დაასრულებდა.”

“გოგა ბითაძეს 4 მატჩში 9 ბლოკი აქვს, საერთო ჯამში კი 55 წუთი ითამაშა. საშუალოდ 36 წუთში 6 ბლოკი გამოდის. ღამე მშვიდობის.”

“-როგორია “პეისერსის” შედეგი, როცა გოგა ბითაძე სასტარტოშია?
– დაუმარცხებელი, არასოდეს აგებს.”


 

გოგას მომენტები “ჩიკაგო ბულსის” წინააღმდეგ:

მსგავსი სიახლეები