როგორ მიულოცეს რონალდინიოს დაბადების დღე ციხეში (ფოტო)

გუშინ, ლეგენდარული ბრაზილიელი ფეხბურთელი რონალდინიო 40 წლის გახდა. “ბარსელონასა” და ბრაზილიის ნაკრების ყოფილი შემტევი დაბადების დღეს პარაგვაის ციხეში შეხვდა.

Evening Standard-ის ცნობით, პატიმრებმა რონალდინიოს იუბილე ბარბეკიუთი მიულოცეს და სცადეს, რომ ის კიდევ უფრო გაეხალისებინათ.

ESPN სხვა დეტალების შესახებ წერს. გამოცემის ცნობით, ცხადია, პატიმრებს რონალდინიო ძალიან უყვართ. თავად ვეტერანი ფეხბურთელი დროის უმეტეს ნაწილს საკანში ატარებს. ასევე, ყოველდღიურად, სხვა პატიმრებთან ერთად ფეხბურთს თამაშობს, მატჩებს კი ციხის ზედამხედველები ესწრებიან. სხვებისგან განსხვავებით, რონალდინიოს საკანში ტელევიზორი და ჰაერის გამაგრილებელი აქვს. ასევე, მას აქვს ტელეფონი და WhatsApp-ის საშუალებით მეგობრებსა და ოჯახის წევრებს ხშირად ესაუბრება.