როგორი იქნება “არსენალის” სავარაუდო შემადგენლობა მომავალი სეზონისთვის?

ინგლისურმა გამოცემა METRO-მ შემოგვთავაზა სავარაუდო შემადგენლობა, რომელიც “არსენალს” მომავალ სეზონში ეყოლება.

ჟურნალისტების ცნობით, ლონდონური გუნდი ზაფხულში “პორტუს” შემტევს, ჯექსონ მარტინესს დაიმატებს, რომელთაც ოლივიერ ჟირუს შემცვლელად, ან კონკურენტად მიიჩნევენ. კოლუმბიელს ამ სეზონში 40 მატჩში 30 გოლი აქვს გატანილი. იგი 25 მილიონი ფუნტი ღირს.

ნახევარდაცვის ხაზის გასაძლიერებად “მეზარბაზნეები” 25 წლის მორგან შნეიდერლინს მოისაზრებენ. ფრანგს ლონდონურ გრანდს ყველაზე მეტად უკავშირებენ. მისი ფასი, როგორც ჯექსონ მარტინესის, 25 მილიონ ფუნტამდე მერყეობს.

დაცვის ცენტრში პრობლემების გადაჭრა არსენ ვენგერმა ჰოლანდიელი მცველით, ვან დაიკი ვირჯილით გადაწყვიტა, რომელიც “არსენალს” ათი მილიონი ფუნტი დაუჯდება.

და ბოლოს, “მეთოფეების” მთავარი მიზანი მათი კონკურენტი გუნდის სათადარიგოთა მეკარის შეძენაა. პიტერ ჩეხს კვლავ შეუძლია რამდენიმე წელი მაღალ დონეზე თამაში, ხოლო ტიბო კურტუას კონკურენციას ვერ უწევს. ჟოზე მოურინიოს კომენტარის მიუხედავად, პიტერს კონკურენტ გუნდში არ გავუშვებო, არაფერია გადაწყვეტილი.